طريقه حساب نقاط برنامج الهجرة النيوزيلندي
سبق و اتكلمنا في بداية الموضعات التي تم نشرها سابقا في صفحة سافر travel عن الهجره الي نيوزيلاندا لكن اليوم هنتكلم عن طريقة شرح حساب النقاط و الفرق بين برنامج الهجرة النيوزلندي و بين برامج زي برامج الهجرة في كندا و استراليا
*اولا عدد برامج الهجرة المؤهلة
في استراليا في عديد الطرق زي فيزا 189 و190 و489 وكندا عندها خيارات اكسبرس انتري وترشيح المقاطعات وكيبيك ....
نيوزلاند عندك طريق واحد كمهاجر مؤهل هو skilled migrant category ... فلا يوجد ترشيح ولايات او ترشيح مقاطعات لنيوززلاند فلازم تكمل النقاط المطلوبة بنفسك ...
*تاني نقطة اختلاف هي مستوي الايلتس ونقاطه
فبينما نلاحظ في استراليا وكندا ان احراز اسكور زي 7777 او 8888 ممكن يزيد نقاطك ويسهل لك الهجرة ... فنيوزلاند لاتوجد فيها اي نقاط اضافية للايلتس ومتطلب اساسي 6.5 ايلتس overall فقط..
*تالت نقطة الإقامة
ان نيوزلاند لاتمنح اقامة دائمة مباشرة زي استراليا وكندا بل لازمك اقامة سنتين علي الاقل في نيوزلاند لتحصل علي الاقامة الدائمة ...
*رابع نقطة نظام الاختيار
نيوزلاند في ارسال الدعوات عندها حد ثابت وهو 160 نقطة ومش متغير زي استراليا وكندا بيتغير حسب عدد المتقدمين ومستواهم .... اي حد معاه 160 نقطة تلقائيا بياخد دعوة للتقديم ...
طب احسب نقاط ازاي اقولك انا النظام دا هيستفاد منه اكتر المتزوجين و حملة الدكتوراه و الماجستير و عدد النقاط المطلوبة في البرنامج التي تؤهلك للهجرة زي ما قولنا هي 160 نقطه
طريقة حساب النقاط بتكون كالآتي:-
*اللغة
بالنسبه للايلتس اهو 6.5 over all
*العمر
تحت 20 صفر
20 – 29 30 نقطة
30– 39 25 نقطة
40 – 44 20 نقطة
45– 49 10 نقطة
50 - 55 5 نقطة
*المؤهل
دبلوم 40 نقطة
بكالوريوس 50 نقطة
ماجستير 70 نقطة
دكتوراه 70 نقطة
*الخبرة
2 سنة 10 نقطة
4 سنة 20 نقطة
6 سنة 30 نقطة
8 سنة 40 نقطة
اكثر من 10 50 نقطة
*لو وظيفتك موجودة في قوائم العمل عندهم
2- 5 سنه 10 نقطة
6 سنه او اكثر 15 نقطة
*نقاط الشريك ( زوج او زوجه )
لو الشريك له وظيفه مطلوبه 20 نقطة
لو مؤهل الشريك بكالوريوس 10 نقطة
لو مؤهل الشريك ماجستير او دكتوراه 20 نقطة
*نقاط اضافية :
- الدراسة في نيوزلاند تضيف مابين 5 نقاط الي 15 نقطة اعتمادا علي مدة الكورس اللي درسته ونوعه ...
- عقد العمل من نيوزلاند في مجال مهنة مطلوبة ممكن يضيف 10 نقاط واذا كان خارج اوكلاند ممكن يضيف 30 نقطة تانية ...
- عقد العمل للزوجة ممكن يضيف برضه 20 نقطة ...
موقع الهجرة النيوزيلندى من هنا